Wczoraj w Żywocicach rozegrano mecz barażowy o drugie miejsce w trzeciej grupie strzeleckiej Bundesligi. Rozkochów wygrał z Chorulą 4-1 po rzutach karnych. Tyle tylko, że w świetle przepisów baraż ten jest bezprawny, a drugie miejsce w grupie przysługuje drużynie Choruli. Wydział Gier podokręgu Strzelce zarządził ten baraż powołując się na $41 p. 2 f Regulaminu Rozgrywek, który mówi, że w przypadku równej ilości punktów zdobytej przez zespoły, które zajmą miejsca pierwsze i drugie, a także takie, których kolejność decyduje o spadku, stosuje się wyłącznie zasady określone w punktach a, b i c, a jeśli te nie przyniosą rozstrzygnięcia, to zarządza się spotkanie barażowe.

W sobota zaczynajom grać w strzeleckiej bundeslidze. Na razie ino grupa trzecio, ale za to jak? W sama sobota jeszcze nie bydzie tak rewelacyjnie, bo Krympna wtedy zagro ze Straduniom, za to w niedziela w Choruli czeko nas szpil sezonu: wicelider gro z liderym. Do Choruli przijyżdżo Rozkochów i od wyniku tego meczu bardzo dużo zależy.

W piyrszyj grupie momo drużyna, co stracioła nojmaniyj bramek, bo ino dwie. Je to Szymiszów i żodno inkszo drużyno niy mo lepszyj obrony. Przinajmniyj na razie. Jedna bramka wiynyj stracone majom Mokre Łany i to tyż je manszaft z piyrszyj grupy. Mokre Łany som przed Szymiszowym, bo majom dwa punty wiyncyj i kupa wiyncyj bramek naszczylanych. Kej jednak godomy o straconych bramkach, to bardzo dobro łobrona mo tyż Kielcza, bo tyż ino trzi stracone. Kielcza je w drugiyj grupie i je w niyj liderym.

Dopiyro w łostatnim szpilu łokozało się, że do A-klasy awansowała Jemielnica. Tydziyń tymu dała sie przegonić Piotrówce i wiela nie brakło, coby tak łostało, na szczynście jednak dlo Jemielnicy Piotrówka w łostatnim szpilu przegrała w Grodzisku i dała sie przegonić. Do A-klasa włazi wiync Jemielnica i chyba cyrk z walkoweroma sie tera skończy.

Już ino jednego punktu brakuje rezerwom Piasta, żeby awansować do A-klasy. Dzisiej Piast leko ogroł ostatni manszaft tabeli, Zimno Wódka 6-0, a Jaryszów ogroł na wyjeździe Kadłubiec 1-0. Piast mo dalyj 5 punktów przewagi, a do końca łostały ino dwa szpile. Musiołby sie chyba trefić jakiś cud, coby Jaryszów przeskoczół Szczelce, je to prawie niemożliwe i Piast mo awans już w kieszyni, szampan już idzie w lodówce chłodzić, na bez tydzień moge sie przidać jak nic.

LZS IZBICKO - NAPRZÓD JEMIELNICA 0-1 (0-0)

0-1 74min. Dawid Galas

Izbicko: ?
Jemielnica: Jakub Szłapa - Paweł Wiechoczek, Michał Rupacz, Artur Mateja (46 Grzegorz Meinhardt), Damian Kalisz, Paweł Jaskóła, Krzysztof Korczak (65 Michael Pinkawa), Dawid Galas, Daniel Bombelka, Dariusz Grochla, Marcin Chodań

Tydziyń tymu Piotrówka wygrała u siebie ze Jemielnicom, a terozki dostała smary od Krośnicy. Chyba prawie mieli ci, co godali, że to, jak gro Piotrówka, zależy od tego, wiela dostanom ludzi z piyrszego składu. Z Jemielnicom to bol szpil o prestiż, a tero już niy i przedostatnio w tabeli Krośnica łograła wicelidera. Jemielnica zaś wygrała ze Staniszczoma 3-0 i zaś mo sztyry punkty przewagi.