W sobota zaczynajom grać w strzeleckiej bundeslidze. Na razie ino grupa trzecio, ale za to jak? W sama sobota jeszcze nie bydzie tak rewelacyjnie, bo Krympna wtedy zagro ze Straduniom, za to w niedziela w Choruli czeko nas szpil sezonu: wicelider gro z liderym. Do Choruli przijyżdżo Rozkochów i od wyniku tego meczu bardzo dużo zależy.

Jak wygro Rozkochów, to właściwie awans bydzie już mioł w kieszyni, bo jego przewaga wzrośnie do 8 punktów i mało kaj bydzie móg ta przewaga stracić. Chorula zaś, jakby tyn szpil wygrała, to doskoczy do Rozkochowa na dwa punkty, a tako różnica to je jaki nic i lider bydzie w szachu.

Inne mecze tyż mogom być ciekawe, trza tyż pamiyntać, że w tym sezonie drugo drużyna bydzie grała baraż o A-klasa, wiync nawet jak sie nie do dogonić lidera, to warto jeszcze grać o drugi plac, a tukej momy wiyncyj chyntnych na to miejsce. Po piyrsze Chorula, ale łoprócz niyj spore szanse majom tyż Żywocice, Łowkowice i Kujawy.