Strzelecko bundesliga nadgonio zaległości. Dzisiej grała 15-to kolejka. Nojciekawszy szpil grali we Łowkowicach, kaj przijechoł Nowy Dwór. Wszyscy myśleli, że Łowkowice wygrajom, a tu patrz! Niespodzianka - wtopa 1-2. Zdowało się, że to bydzie łatwy szpil, a Nowy Dwór zrobioł liderowi psikusa i urwoł mu trzi punkty.

Zrobioło sie z tego blank ciekawie. Łowkowice już nie majom 3 punktów przewagi nad Chorulom, bo Chorula naklupała we Dobryj Kosmosowi aż 9-2 i łoba manszafty majom tera po 50 punktów. No i dalyj nie wiadomo, wto zrobi awans do Serie-A. Nojbarzyj to sie chyba z tego radujom we Nowym Dworze, bo tam o awansie już chyba nie myślom, ale miło se wspomnieć, że skuli nos wto inkszy mo terozki problym.

Ciekawie tyż boło w grupie piyrwszyj. Tukej nie boło niespodzianki: Szymiszów wygroł z Izbickiym, a Kadłubiec z Błotnicom. Mokre Łany wtorbioły w Piotrówce i jak jeszcze myślały, że może się w tym sezonie udo, to już tera mogom przestać. O Serie-A bydom sie bić ino Szymiszów i Kadłubiec i to chyba do ostatniego szpila. Miyndzy nimi je ino jedyn punkt różnicy, a to je choby nic.