Krapkowicko B-klasa, abo jak niewtorzy na nia godajom, bundesliga, już zaczła grać. Inksze grupy jeszcze majom przerwa, ale w Krapkowicach już niy. We szpicy je doś ciasno, a po dzisiejszych szpilach zrobioło sie jeszcze ciaśniyj. Racławiczki ino zrymisowały we Nowym Dworze 1-1 i jejich przewaga nad Krympnom stopniała do dwóch punktów. Krympna grała u siebie ze Straduniom i leko wygrała 5-0.

Wiyncyj bramek w tyj kolejce żodno drużyna nie szczeloła, ale nojwiyncyj goli szło obejrzeć we Choruli, bo tam boło ich aż siedym - sztyry szczeloła Chorula, a trzi Obrowiec. No i tak Chorula ze Obrowcym wygrała. Rozkochów zrymisowoł w Kujawach 1-1, a Gogolin łogroł we Dobryj Kosmos 3-0.

We tabeli Racławiczki som dalyj piyrsze, ale Krympna je już punkt za nimi, a Żywocice trzi. Gogolin trocha sie urwoł Obrowcowi i zaczyno gonić Strzeleczki, ale niy mo to wiynkszego znaczynia, bo i tak stond żodyn nie sleci - je to nojniższo liga.